O’ZB Рус Eng

O’zbekiston temir yo’llari Аksiyadorlik jamiyati

Ishonch telefoni

(+998 71) 237-99-98

Dush. - Jum. 9-00dan 18-00gacha
Vokzal ma’lumotxonasi

1005

(Kecha-kunduz)

“O’zbekiston temir yo’llari” AJ: endi kassaga bormasdan chipta xarid qila olasiz

02.08.2019 1259

O’zbekiston Respublikasi Prezidentining Farmoniga binoan 2017 yildan boshlab har yili avgust oyining birinchi yakshanbasida nishonlanadigan O’zbekiston temir yo’lchilari kuni munosabati bilan 2 avgust kuni “O’zbekiston temir yo’llari” AJ O’zbekistonning barcha aholisi va uning mehmonlari uchun ajoyib sovg’a tayyorladi.

Rasmiy veb-saytga joylashtirilgan temir yo’l chiptalarini sotish bo’yicha elektron resursning yangi versiyasi bugungi kunda test rejimida ishlay boshladi.


Yangi versiyani ishlab chiqishda birinchi versiyaning ishlash natijasida aniqlangan barcha funksiyalari inobatga olingan, shuningdek, ushbu sohada ilg’or amaliyot va texnologiyalar qo’llanildi. Bundan tashqari, endilikda elektron chiptalarni qaytarish onlayn rejimida amalga oshirilishi mumkin.

Yo’lovchilarga qulaylik yaratish maqsadida yangi versiya eski versiya bilan birga ishlaydi. Ushbu havolani bosish orqali: http://e-ticket.aitm.uz siz poyezdlar jadvalini ko’rish, sayohat xarajatlari bilan tanishish, poyezdda bo’sh joylar mavjudligi haqida ma’lumot olish, turli ma’lumot va hujjatlar bilan tanishish, shuningdek, ko’plab boshqa xizmatlarni bilib olishingiz mumkin. Yangi tizim sinovdan o’tkazgandan so’ng, tizim foydalanuvchilarining takliflari va mulohazalarini o’rgangan holda oxirgi bosqichga o’tiladi, undan so’ng elektron sayohat hujjatlarini to’lash va yakuniy ro’yxatga olish funktsiyalari bilan to’liq rejimda ishga tushiriladi.

Quvonarlisi shundaki, axborot tizimining yangi versiyasini yaratish bo'yicha ushbu loyiha "O'ztemiryo'llovchi" AJ tomonidan "O'zbekiston temir yo'llari" AJ ta'sischisi bo'lgan "Ilmiy-tadqiqotni axborotlashtirish markazi" NNT mutaxassislari ishtirokida amalga oshirildi. Moskvaga safar paytida, "O'ztemiryo'lyo'lovchi" AJ va BRTTITI (Rossiya) o'rtasidagi qo'shma shartnoma asosida elektron chiptani ro'yxatdan o'tkazish vaqtida elektron chiptani hisobga olish va axborot resursiga Real vaqt rejimida elektron chiptani qaytarish bo'yicha dasturiy ta'minotni kompleks sinovdan o'tkazish natijalari to'g'risida dalolatnoma imzolandi.

Ma'lumot uchun: 2015 yildan boshlab "O'zbekiston temir yo'llari" AJda elektron chiptalarni xarid qilish xizmati "Ekspress-3" AJ ("BRTTITI" AJ – Rossiya) yo'lovchi tashishni boshqarish va chiptalarni sotish bo'yicha yagona davlatlararo tizim asosida taqdim etiladi. Ushbu tizim MDH, Latviya, Litva va Estoniya hududida faoliyat yuritadi va yo'lovchilarga xizmat ko'rsatishning yagona texnologiyalarini qo'llash uchun asos bo'lib xizmat qiladi.


Axborot-tahliliy media markazi